「牆中鬼？我呸！」「你真係唔信呀？你上一手条友就係俾隻鬼吓到黐咗线嫁喇！」我啱啱嚟到呢个宿舍单人房，我隔离几间房都係吉嘅…全层就只有住喺最尾最近后楼梯嘅呢条友同我…「黐九线！有鬼？我吓大嘅。」同层条友一早走咗，只係淨返我一个人喺房度自言自语。我第一日嚟，带咗成喼嘢，应该今晚都冇可能咁早训…执执吓嘢，我望一望檯头个闹钟，原来都已经成两点几…「…」我突然听到一D声音，似係喺道牆度发出嚟，但係我听唔清楚，所以尝试…靠近D牆去听…「我…」我隐约听D嘢，仲有个「我」字添，后面就听唔清楚，问题係…个「我」字
「牆中鬼？我呸！」
「你真係唔信呀？你上一手条友就係俾隻鬼吓到黐咗线嫁喇！」
我啱啱嚟到呢个宿舍单人房，我隔离几间房都係吉嘅…
全层就只有住喺最尾最近后楼梯嘅呢条友同我…
「黐九线！有鬼？我吓大嘅。」
同层条友一早走咗，只係淨返我一个人喺房度自言自语。
我第一日嚟，带咗成喼嘢，应该今晚都冇可能咁早训…
执执吓嘢，我望一望檯头个闹钟，原来都已经成两点几…
「…」
我突然听到一D声音，似係喺道牆度发出嚟，但係我听唔清楚，所以尝试…
靠近D牆去听…
「我…」
我隐约听D嘢，仲有个「我」字添，后面就听唔清楚，问题係…
个「我」字清楚得有D过份…
虽然我大男人一个啫，但係夜阑人静，听到D怪声，你都咪话唔惊…
咦，咪住…
呢层係除咗头先条友之外就冇人嫁喇喎…
所以…
我放低双手D嘢，抬头就望吓四周围…
望吓会唔会有机会有D窿窿罅罅传到D声出嚟…
好可惜，唔好话窿罅，牆上面D油平滑到连凹凸痕都冇…
「我要…」
声音再次发出嚟，仲好似大声咗添…
我成个人紧晒，就连吞口水都变得大啖…
起初我真係好惊，因为真係唔知边度出声…
但係慢慢就变得唔耐烦，再而变得嬲，仲要好嬲…
因为已经「我要」「我要」咁好十几次喇…
咁样点训啫…
所以…
我大大力拍打道牆…
「够喇！唔好再嘈喇，好X烦啊！」
声音隔咗比较耐嘅时间都冇再发出嚟…
所以…
我就训低落床，谂住训喇，点知…
「我要你落嚟陪我！」
我吓到成个人弹起咗…
望一望个枕头，个枕头竟然…
係一个人头！
